ANITZAK
Euskal
Autonomia Erkidegoko ikasleen irakasleak, amak eta aitak gara, gizarteko kideak
azken batean, ikastetxeetako heziketa integralarekin kezkatuak, Konstituzioak
jasotzen duenaren arabera, gure erlijioko uste sendoekin ados dagoen hezkuntza
aukeratzeko gurasoen askatasunaren alde gabiltzanak.
Nabarmendu egin nahi ditugu gure
identitatea, helburuak eta planteamenduak, eta gurasoen eta ikasleen uste
sendoekin ados egongo den kalitatezko hezkuntza integral eta erlijiosoaren
aldeko gure apustua ere bai.
1.
Pentsatzeko askatasuna gure Konstituzioan jasota eta sagaratuta dagoen
funtsezko eskubidea da, Estatuak bermatu behar duen Hezkuntza askatasunera
hedatzen dena, eta, hain zuzen, Eliza katolikoarekin eta beste erlijioekin
hitzarmenak finkatuz, arlo konfesionala aukeratzeko gurasoek duten eskubidera.
Espainiako Konstituzioak, bere 27.3 artikuluan argi jasotzen du gurasoek eskura
duten eskubidea beraien uste sendoen arabera seme-alabek erlijio eta moral
irakaspenak erakutsi diezazkieten, eta Estatuak duen betebeharra eskubide hori
bermatzeko (Espainiako Konstituzioa, 27.3 art.).
2.
Horrenbestean, gurasoek eskubidea dute beraien seme-alaben ikastetxeetan
eskatzeko Erlijioa gainontzeko diziplina akademikoekin batera izatea, beraien
fedea eta zientziaren arteko elkarrizketa finkatu ahal izateko, zatitutako
pertsonak osa ez ditzagun. Seme-alaben heziketari zentzua emateko eskubide
berbera dute beste erlijio eta moral sinesmenetako gurasoek.
3.
Larria iruditzen zaigu hezkuntza integralaren garrantzia ez aitortzea,
dimentsio erlijiosoa eta morala bazterrean uzten baita, gizakion bizitzan
funtsezko elementua izanik. Ez luke bazterkeriarik izan behar, hezkuntza
integralean garrantzirik handieneko Zentzuzko Galderetan sakontzeko aukera izan
dezaten ume eta gazte guztiek, irakasleen ebaluazio, klaustro eta batzorde
pedagogikoetan behin eta berriz aitortzen den bezala, zentroetan aurkitzen
ditugun heziketa hutsune larriek erantzutea eskatzen baitute.
4.
Iruditzen zaigu Eskolan Erlijio Arloaren izen ona galarazteko kanpaina
oinarrizko eskubideen aurkako atentatua dela, Irakasteko eskubidearen eta
sinesmen erlijioso eta moraletatik abiatuta aukeratzeko herritarrek duten
ahalmenaren aurka jotzearen erantzule eginez.
5.
Gure kulturak oinarri nagusienetako bat du kristau sorburua, eta, beraz,
Erlijio Arloa ikasteak gure sustraien funtsak aurkitzea dakar, eta sintesi
pertsonala egin ahal izango duten gizakiak izateko beharrezko diziplina arteko
elkarrizketa finkatu ahal izatea, errespetatuz, Konstituzioak adierazten duen moduan,
hori aukeratzen ez duten gurasoen seme-alabek azken galderak beraien usteen
arabera lantzea.
6.
Erlijio arloarekin ez da inongo ikaslerik behartzen bere usteen aurka joatera,
aukera konfesionala eta ez konfesionalaren artean aukeratu baitezakete; ostera,
inongo ikasleri ez zaio ukatuko Erlijioak kulturari egindako ekarpen ugariak
jasotzen dituen heziketa integrala jasotzea, hori gabe ezin baita gizateriaren
ondarea osatzen duen historia, artea, ohitura eta sinesmenik ulertu.
7.
Europako herrialde guztietan ematen dira Erlijioko eskolak; Ingalaterra
bezalako batzuetan legez derrigorrezko ikasgai bakarra da. Frantzia da arauaren
salbuespena, hura izan baitzen eskola alorretik atera zuen bakarra, baina
gazteen erlijio- eta balore-kulturaren debaluazio kezkagarriaren aurrean,
berriz txertatzea pentsatzen ari dira (Debray Txostenean gomendatutakoaren
arabera). Europa barruan bagaude eta hezkuntza sistema guztiak batzeko joera
badago, batzuek zergatik aldarrikatzen dute eredutzat frantsesa, Erlijioa
baztertzen duen bakarra izanik?
Funtsezkoa iruditzen zaigu gainontzeko
arloekiko erabat berdina izatea eta berariazko curriculum edukia definitzea,
gure ikastetxe publikoetako ikasle guztiek hezkuntza integrala, osoa eskuratu
dezaten, erlijioari nabarmen lotutako gure balioak eta sustrai kulturalak
bazterrean utziko ez dituena, eta ironiaz HSAOLaren abiaburu orokorren baitakoa
dena, gerora HKLOan jasotzen den bezalaxe.
Beste pentsamendu batzuen ondoan geure
burua egiaren bilatzaile bezala sentituz, gizarte demokratiko eta pluralean,
eta aukera askea benetan errespetatuz, egin dezagun lan elkarrekin hezkuntzaren
kalitatea gero eta hobea izan dadin.
Aupa Lagunok.
ResponderEliminarErlijioBizitik gure ongietorri beroena eman nahi dizuegu hitz hauen bitartez.
Gure ataria zuen zerbitzura jartzen da.
Behar duzutenerako hor gaude.
Ongi izan.